Kur flasim për Ruud Van Nistelrooy, ne kemi parasysh një makineri të vërtetë golash. Ai ishte një nga sulmuesit më të respektuar të 20 viteve të fundit dhe padyshim la shumë kujtime të bukura në skuadrën e kuqe të Manchesterit.
Sigurisht, ai nuk ishte ende prototipi i sulmuesit modern, por një finalizues i pamëshirshëm, që duhej të mendonte vetëm për një gjë: ta dërgonte topin në rrjetë. Dhe kështu bëri. Më pas, megjithatë, në vitin 2006, pas mbi 200 paraqitjeve për “Djajtë e Kuq”, holandezi nënshkroi me Real Madridin.
Një libër i Alastair Campbell, ish-zëdhënës i qeverisë së Tony Blair e mik i ngushtë i Fergusonit, zbulon arsyet e mundshme për largimin e tij nga Manchester United. Zyrtarisht, arsyeja pse sulmuesi holandez është larguar nga klubi është një diskutim i zjarrtë me Sir Alex Ferguson, fajtor që nuk e futi në fushë që në minutën e parë në finalen e “Carling Cup” të vitit 2006 kundër Wigan Athletic.
Van Nistelrooy ishte i tërbuar dhe Ferguson thellësisht i zhgënjyer. Trofeu i kësaj finaleje u mor në shtëpi nga Manchester United, falë golave të Saha, Cristiano Ronaldo dhe dopietë e Rooney. “The Times” ka publikuar pjesë nga libri i mikut të mirë të Alex Ferguson, Alastair Campbell, të cilat tregojnë një tjetër arsye të mundshme për largimin e Van Nistelrooy nga Manchester United, pas disa vitesh gëzimi:
Sir Alex Ferguson’s Man Utd intervention after Cristiano Ronaldo and Ruud van Nistelrooy fight – Mirror Online
“Shpërthimi ndodhi kur Van Nistelrooy i tha Cristiano Ronaldos se kishte gjetur një baba të ri te Carlos Queiroz, menjëherë pasi vdiq babai i tij, i cili ishte një alkoolist”. Carlos Queiroz ishte asistenti i Sir Alex dhe u përpoq të zbardhte çështjen.
“Carlos i kërkoi holandezit të tregonte respekt, ndërsa ai tha se nuk respektonte askënd atje. Më vonë kërkoi falje, por CR7 nuk e pranoi faljen”, – shkruan Alastair Campbell. Nuk ishte e lehtë të vihej në krizë dikush si Ferguson.
Trajneri legjendar i “Djajve të Kuq” ka stërvitur pak a shumë çdo lloj lojtari dhe gjithmonë ka pasur vështirësi të mëdha në zgjedhjen e formacioneve që do të hedhë në fushë, nisur nga cilësia e lojtarëve që kishte në dispozicion.
Megjithatë, me sa duket, Van Nistelrooy ia doli: “Alex e dërgoi Van Nistelrooy në shtëpi, sapo mësoi se çfarë ndodhi. Ai nuk ishte i sigurt se çfarë do të bënte me të”.
Më në fund, Ferguson kuptoi se çfarë duhet të bënte me sulmuesin e tij: ta dërgonte në Madrid, ku vazhdoi të shënonte edhe për katër vite të tjera. Pyetja tjetër që shtrohet është: a ishte rastësi që holandezi u largua nga Reali pas mbërritjes aty së CR7.
