Vijojnë tensionet mes palëve në kampin demokrat.
Në degën e Partisë Demokratike të Devollit, ish-kryetari i Bashkisë, Bledjon Nallbati ka thyer me dhunë dyert e zyrave të degës lokale të PD dhe ka ndërruar bravat e zyrave, denoncojnë mbështetësit e Kuvendit të 11 Dhjetorit.
Ata thanë se vandalizmi i tij vjen pasi kryetari i degës, Arben Miza dhe 71 delegatë iu bashkuan Kuvendit Kombëtar të 11 Dhjetorit, ndërkohë që kanë përgatitur edhe infrastrukturën për referendumin e 18 Dhjetorit, ku Lulzim Basha do të shkarkohet përfundimisht nga votat e anëtarësisë.
Drejtuesit e degës së PD në Devoll paralajmërojnë se do të depozitojnë kallëzim penal për aktet vandale ndaj zyrave.
