Lulzim Basha dhe Gazment Bardhi kanë kallëzuar në SPAK anëtarët e Komisionit që drejtoi punimet e Kuvendit Kombëtar të PD më 11 dhjetor, i cili vendosi shkarkimin e Bashës si kryetar i PD, por edhe zyrtarëve të tjerë të kësaj partie, që nuk ishin zgjedhur sipas normave statutore.
Të kallëzuar janë Belind Këlliçi, Edmond Spaho, Albana Vokshi, si dhe Ivi Kaso e Ervin Minarolli. Njëri prej tyre Ivi Kaso, nga studion e Abc, e ka quajtur të turpshme këtë lëvizje të Bashës.
“Komisioni i rithemelimit ka sekretarinë e vetë ka logjistikën e vetë dhe filluar të funksionojë si parti. Mbledhjen formale të saj të parë të konstituimit e kreu në seli ku u morën vendime të rëndësishme. Sa i përket Kallëzimit të bërë në SPAK, është një gjë e turpshme, s’ma kishte pritur mendja që do të shkohej deri këtu, ma çoi një gazetar me foto. Isha në mbledhje kur ma çoi gazetari dhe se besoja që do arrinte deri në këtë pikë, por natyra njerëzore nuk rresht kurrë, prandaj turpi t’i mbetet atij që e ka bërë. Pala tjetër (e Bashës) është ajo që rrethon portat metalike nga hyhet në PD duke i lidhur me zinxhirë, duke shpërthyer bravat e dyerve”, tha Kaso.
