Dy persona të maskuar kanë grabitur në Babrru filialin e Postës Shqiptare, ku kanë marrë 200 mijë lekë.
menjëherë në vendngjarje kanë mbërritur forcat e policisë të cilat po hetojnë për ngjarjen, ndërkohë që dy grabitësit ende nuk janë identifikuar.
Tiranë/Informacion paraprak
Më datë 15.12.2021, rreth orës 09:15, në Babrru, dy persona ende të paidentifikuar, të maskuar me kapuçët e xhupave që kishin veshur, kanë hyrë në filialin e Postës Shqiptare, ku kanë marrë një shumë parash rreth 200.000 lekë dhe janë larguar me biçikleta.
Grupi hetimor ndodhet në vendngjarje dhe po punon për identifikimin dhe kapjen e autorëve.
Shërbimet e Policisë po krehin zonën, për të bërë të mundur kapjen e tyre.
