Një përplasje fizike ka ndodhur ditën e sotme në shkallët hyrëse të selisë së Partisë Demokratike, ku zonja Evi Kokalari së bashku me Albana Vokshin dhe disa gra të tjera të LDG-së po flisnin për mediat.
Një mbështetëse e Lulzim Bashës, e cila krijoi incidente edhe kur Komisioni i Rithemelimit shkoi të hënën në seli, i ka shkuar nga pas dhe nuk i ka lejuar të flasin.
Më pas kjo mbështetëse e ka prekur dhe fizikisht Evi Kokalarin, anëtare e Komisionit të Rithemelimit. Kjo ka bërë që Kokalari t’i kthehet dhe t’i kërkojë që mos ta prekë dhe në një moment gati sa nuk filloi dhe një sherr fizik mes tyre por ndërhyrja e personave prezent e penguan.
Evi Kokalari: Jeta ime është pak më e rëndësishme sesa lajmi që do jepni ju. U diskutuan ato që do bëjmë të shtunën. Gjithë java është në punë. Pavarësisht nga dhuna. Kjo është dhunë verbale. Lulzim Basha duhet të marrë përgjegjësi për atë që ndodhi më parë. Jam votuar me mbi 4000 delegatë për të qenë pjesë e Komisionit të Rithememelimit. Nuk mund të kontrollojë dy gra me probleme. Ky është Lulzim Basha. Si qenka ky provokim.
(Nderhyn dhe e prek mbeshtetesja e Bashes)
Kokalari: Ju lutem mos më prek.
Mbeshtetesja e Bashes: Mashtruese
Kokalari: Ju lutem mos me prek
Mbeshtetesja e Bashes: Mashtruese! Plehra!
I njëjti personazh ka tentuar të prishë edhe takimin e ish-Kryeministrit me gratë demokrate, gjatë turit të Foltores, por është shoqëruar jashtë sallës, madje edhe në prezencën e policisë. Duket se Lulzim Basha po tenton që përmes mbështetëses në fjalë të krijojë incidente, edhe pse shpesh deklaron se nuk do të përdorë demokratët si mish për top për interesat e askujt.
