Arsenali ka vendosur që t’i heqë shiritin e kapitenit Pierre-Emerick Aubameyang dhe nuk do ta përfshijë atë në listën e futbollistëve në sfidën kundër West Ham.
Aubameyang nuk ishte në fushë në fitoren që “topçinjtë” morën kundër Southhampton me rezultatin 3-0. Ai akuzohet për thyerje të disiplinës tek Arsenai, sepse tejkaloi lejen që i ishte dhënë për një udhëtim në Francë në javën e shkuar.
Në një njoftim për shtyp, Arsenali sqaroi se pret që lojtarët, e sidomos kapiteni të veprojnë sipas rregullave. Lojtarit i ishte dhënë leje që në ditën e mërkurë të udhëtonte drejt Francës e të merrte të ëmën. Por ai e theu dhe u kthye të enjten në mëngjes.
Arteta e la në stol 32-vjeçarin edhe në derbin e Londrës së Veriut kundër Totenhemit në Mars për shkak të vonesës. Edhe në Shkurt, ai u kritikua sepse kishte thyer regullat anti-covid.
Aubameyang ka shënuar 7 gola në 15 takime në të gjitha kompeticionet dhe ai është një ndër më të paguarit në klub. Sulmuesi merr 350 mijë paund në javë. Por vendimi i fundit ka sjellë përçarje në ekip. Tabloidi anglez “The Sun” raporton se 32-vjeçari është gati për t’u transferuar në Janar te Barcelona.
Drejtuesit e “topçinjve” nuk do ta pengonin largimin, pasi duan të përfitojnë financiarisht, ndërsa kontrata i përfundon pas 18 muajsh.
