Kryetarja e LGD-së, Albana Vokshi, njëherësh deputete e PD, ka reaguar pas lajmërimeve për shkarkim të sekretarëve të degëve të bëra nga Lulzim Basha.
Me anë të një psotimi në Facebook, Vokshi shkruan se deputeti Lulzim Basha i shkarkuar nga 4446 delegatë po kërkon të sjellë në PD kohën e Enver Hoxhës.
Postimi i Vokshit:
E mbani mend kohën e Enver Hoxhës kur dënoheshe, internoheshe, pushkatoheshe pa gjyq???
Deputeti Lulzim Basha po kërkon të kthejë atë kohë… ende s’po e kupton që koha e tij ka mbaruar në PD.
Po shkarkon Partinë. Shifni shkresat… sot kanë shpëndarë shumë si këto…
4446 delegatë të Kuvendit Kombëtar e kanë shkarkuar Lulzim Bashën dhe Kryesinë e PD.
I vetmi institucion legjitim është Komisioni i Rithemelimit të PD.
Të dashur anëtarë të PD, shtëpisë së madhe të lirisë! Edhe pak ditë na ndajnë nga referndumi i dt 18 dhjetor, konfirmimi i shkarkimit të Lulzim Bashës nga anëtarësia, me parimin një anëtar një votë!
Falenderime zemre për cdonjërin prej Kryetarëve apo Sekretarëve të degëve që ju bashkuan Foltores dhe morën pjesë në Kuvendin më madhështor të 11 dhjetorit. Ata treguan që janë Kryetarë të vërtetë, e që e kanë merituar votën tuaj sepse ndoqën dëshirën dhe vullnetin e anëtarësisë!!
