Lulzim Basha dhe mbështetës të tij kanë depozituar pranë Gjykatës së Tiranës kërkesën për pasqyrimin e ndryshimeve të statutit të partisë dhe organeve të reja, të zgjedhura në Kuvendin Kombëtar të 17 korrikut.
Kërkesa e PD është regjistruar në gjykatë dhe do t’i nënshtrohet shqyrtimit gjyqësor.
Vendimi ka ardhur pas Kuvendit Kombëtar të 11 dhjetorit, i cili përveç se shkarkoi Bashën nga posti i kreut të PD dhe pezulloi Kryesinë, ndërsa ngriti një Komision Rithemelimi për PD, ka miratuar edhe një sërë ndryshimet statutore, duke lejuar fraksionet në PD.
Në mbledhjen e parë të zhvilluar në selinë e PD nga Komisioni i Rithemelimit, ish-Kryeministri Sali Berishatha se ndryshimet e bëra në statut në Kuvendin e 11 dhjetorit “ishin rrugës” për në Gjykatë.
Duket se kjo deklaratë ka vënë në lëvizje, Bashën dhe mbështetësit e tij, që kanë nxituar të çojnë në Gjykatë statutin e miratuar në korrik. Çështja është regjistruar dhe shortuar pranë kësaj gjykate dhe i ka kaluar gjyqtares Blerina Muça.
Gjithashtu në Gjykatë janë depozituar edhe ndryshimet e miratuara nga Kuvendi Kombëtar i 11 dhjetorit.
