Një përleshje masive raportohet të ketë ndodhur në Zvicër ku rreth 100 persona janë rrahur me njëri-tjetrin, mes tyre edhe shqiptarë.
Burimet bëjnë me dije se rrahja erdhi si pasojë e një konfrontimi verbal mes dy grupeve rivale; por pas kësaj, debatet u pasuan nga përplasje të ashpra fizike, duke përdorur thika e shkopinj bejsbolli.
“Nga informacionet që kemi, bëhet fjalë për grupe të rinjsh që identifikohen me rajonin Thierstein SO dhe me atë Laufental BL”, thuhet në deklaratën e forcave të rendit.
Policia është në kërkim të dëshmitarëve të ngjarjes, ndërsa thotë së ende nuk dihen arsyet që sollën përplasjen mes dy grupeve.
