Prona të luajtshme dhe të paluajtshme dhe para Cash që vlerësohen nga SPAK rreth 1 mln euro, i kanë kaluar shtetit, konfirmoi këtë të Hënë Prokuroria e Posaçme.
Pasuria, sipas hetimeve, ishte e krijuar nga trafiku i drogës së një grupi me bazë në Danimarkë.
2/2 Pasuritë & cash konfiskuar nga https://t.co/YUnZs7nura që i kalojnë shtetit shqiptar🇦🇱: *Një aktivitet biznes pulari në Shkodër =400 mijë € / *Një aktivitet biznes pulari në Shkodër =400 mijë € / *5 automjete të ndryshme * / 173 500 € & 8.6 Milion lek cash! pic.twitter.com/wKVCoHLaLp
— Struktura e Posaçme Anti-Korrupsion (@SPAK_Albania) December 13, 2021
Pasuritë e konfiskuara janë: Një pulari në Shkodër, 5 automjete të ndryshme, 173 500 € dhe 8.6 milion lek cash.
1/2 Assets and cash confiscated by SPAK. Property created by criminal activity – international drug trafficking in Denmark. Amount: – 1 Million € pass on and belong to the Albanian state now 🇦🇱! Mission of https://t.co/YUnZs7nura! https://t.co/5f2YjrexS5
— Struktura e Posaçme Anti-Korrupsion (@SPAK_Albania) December 13, 2021
Konfiskimi i pasurive u vendos nga Gjykata e Posaçme, që në Muajin Mars, në të njëjtën seancë gjyqësore, caktoi 14.2 vite burg për Astrit Beqirin dhe Dhmitër Shkodranin, të cilët u shpallën fajtorë për pastrim parash dhe grup të strukturuar kriminal.
Konkretisht, Gjykata ka dhënë 7 vjet e 4 muaj burg për Beqirin dhe 6 vjet e 8 muaj burg për Shkodranin.
Sipas hetimeve, Beqiri dhe Shkodrani janë pjesë të një grupi kriminal, i cili ka trafikuar mbi 1650 kg kokainë drejt vendeve të Bashkimit Europian. Paratë e përfituara nga aktiviteti kriminal, dërgoheshin në tetovë të Maqedonisë së Veriut, ku merreshin nga shtetasi Dhimitër Shkodrani. Ky i fundit më pas i dorëzonte tek shtetasi Astrit Beqiri në Shkodër.
