Skëndërbeu do të udhëtojë nesër në Shkodër për t’u përballur me Vllazninë në stadiumin “Loro Boriçi”, ndeshje e cila do të luhet në orën 16:45.
Pas fitores me Egnatias në ndeshjen e fundit skuadra korçare do kërkojë të bëjë surprizën ndaj shkodranëve dhe t’iu rrëmbejë të paktën 1 pikë në një transfertë të vështirë si ajo e Shkodrës.
Në konferencën për shtyp, trajneri i korçarëve, Migen Memelli ka folur për sfidën me Vllazninë, ku theksoi se Skëndërbeu i tij i ka të gjitha mundësitë për të marrë një rezultat pozitiv kundër tyre.
“Çdo ndeshje ka planin e saj. Do përgatitemi për një plan vetëm të detajuar në Shkodër sepse Vllaznia është një skaudër pretendente, por gjithsesi jam i bindur se sikur në çdo ndeshje tjetër edhe atje do të bëjmë një paraqitje të jashtëzakonshme.
Faktori fushë në futboll tani nuk ndikon shumë, por ne do të bëjmë mirë, është një terren i mirë dhe do të shkojmë më mendimin që performanca të mos bjerë nga ndeshjet e fundit që do të thotë që do bëjmë maksimumin dhe për të marrë pikët e plota në Shkodër.
Ne guxojmë në çdo fushë të Shqipërisë për të marrë maksimumin, pavarësisht kush është kundërshtari, ne do guxojmë sepse kemi harmoninë e mirë në skuadër, kemi cilësi dhe nga këto gjëra ne kemi besim si staf”, deklaroi Memelli.
