Një biznesmen në Fier është gjetur i pajetë në dhomën e një hoteli, në pronësi të tij.
“Sot rreth orës 13:00, në një hotel në lagjen ‘8 Shkurti’ Fier, është gjetur në dhomë pa shenja jete, shtetasi H.O., 55 vjeç, pronari i hotelit”, njoftoi policia.
Nga këqyrja paraprake nuk janë konstatuar shenja dhune, ndërsa grupi hetimor ndodhet në vendngjarje dhe po punon për sqarimin e rrethanave të ngjarjes.
Burime policore bëjnë me dije se viktima është Halit Osmani, i cili sipas të dhënave në Qendrën Kombëtare të Biznesit, rezulton pronari i “Hotel Grand”.
Dyshimet paraprakë të grupit hetimor janë se biznesmeni ka humbur jetën nga mbidoza e ilaçeve, konfirmuan burime policore.
