Ish-Kryeministri Sali Berisha u shpreh nga Kuvendi Kombëtar i PD se ambasadorja e SHBA po sillet si Guvernatore, duke e krahasuar me ambasadorin sovjetik të shumë viteve më parë.
Berisha tha se përfaqësuesi i SHBA në Tiranë sulmon nga mëngjesi në darkë opozitën dhe qëndrimet e saj, në një kohë kur vendi mbushej me drogë, me pjesëmarrjen e policisë, apo kur vendi ka arritur nivelin më të lartë të korrupsionit.
“A janë këto standardet më të dyfishta? A vijnë këto nga shteti ligjor i SHBA? Jo dhe jo, këto vijnë nga mafia e George Soros.
Më shpallën “non grata” 8 vite pasi isha larguar nga pushteti dhe çdo funksion, isha njeriu që isha lavdëruar më shumë se çdokush tjetër në luftën ndaj korrupsionit. U shpalla non grata, kur nuk kishte asnjë akuzë të ngritur, as unë dhe as familjarët e mi, që kisha bërë luftën më të ashpvr kundër krimit. 31 vjet më parë përmbysa diktaturën më staliniste të Europës, hodha hapat e vendosjes së shtetit ligjor dhe ekonomisë së tregut”, tha Berisha.
