Kreu i PD, Lulzim Basha deklaroi para mediave menjëherë pas mbledhjes së Kryesisë se nuk njeh asnjë vendim të marrë sot në Kuvendi Kombëtar të demokratëve të zhvilluar në ‘Air Albania’.
Ai theksoi se sot ishte shfaqja e fundit e shëmtuar e Sali Berishës që kërkon të marrë PD-në për interesat personale.
‘Sot duhet të ishte një ditë feste për PD, por ishte një ditëlindje e thyer. Sot nuk është një ditë e mirë për PD. 31 vjet pas themelimit të PD ne u bëmë dëshmitarë të një shfaqjeje të shëmtuar.
Ne i bëjmë të ditur demokratëve që u shqetësuan nga kjo shfaqje antiamerikane e Sali berishës se kjo ishte përpjekja e tij e fundit për të marrë PD. Asnjë deklarim i dalë nga ky tubim nuk ka lidhje me PD-në dhe institucionet e PD.
Ajo që pamë sot ishte një shfaqje e shëmtuar e Sali Berishës për ta kthyer PD në një bunker për interesat e tij. Institucionet e PD vazhdojnë të jenë në krye të detyrës. Demokratët do të mblidhen në Kuvendin e thirrur nga kryesia në datën 18 dhjetor ku do të merren vfendime të rëndësishme për hallet e tyre dhe o për interesat e tyre.Do të lëmë pas pas mbeturinat e komunizmit drejt ndryshimit që duan të gjithë’, tha Basha
