Spiro Vaso, emri i të cilit u lexua nga Sekretari i Përgjithshëm i PD, Gazment Bardhi, si mbështetës për mbledhjen e Kuvendit Kombëtar të PD më 18 dhjetor, ka përgënjeshtruar firmosjen e një formulari të tillë.
Vaso shkruan se ka firmosur vetëm për thirrjen e Kuvendit Kombëtar më 11 dhjetor, të cilin e konsideron si Kuvendin e vetëm legjitim.
Ndërkohë, Gazment Bardhi, në reagimin e tij tha se kërkonte ndjesë, pasi kishte lexuar një emër i cili nuk e kishte konfirmuar mbështetjen për Kuvendin e 18 dhjetorit. “Ju kërkoj ndjesë, sapo njoftohem nga Organizimi, se delegati Spiro Vaso nuk ka konfirmuar mbështetjen për 18 dhjetorin”, tha Bardhi.
Postimi nga Spiro Vaso
Sapo dëgjova nga mediat që Gazment Bardhi lexoi emrin im si firmëtar për Kuvendin e datës 18 Dhjetor është një abuzim pasi une kam firmosur vetëm për Kuvendin e 11 Dhjetorit. Kuvendi i vetëm Legjitim i PD.
Neser ju ftoj të gjithëve në Kuvendin e Demokratëve.
