Ish-Kryeministri Sali Berisha iu drejtua me një thirrje delegatëve të Kuvendit Kombëtar të PD që ti bashkohen 11 dhjetorit, ditë kur lideri historik i demokratëve ka thirrurr një Kuvend, që kundërshtohet nga drejtuesit aktualë të Partisë Demokratike.
“Delegatë bashkohuni me ne në ditëlindjen e Partisë Demokratike”, shkruan Berisha në rrjetet sociale.
Prej 16 shtatorit, Berisha udhëhoqi takimet me anëtarët e PD-së, pas vendimit të kreut demokrat Lulzim Basha që e përjashtoi nga Grupi Parlamentar, me argumentin se u shpall “non grata” nga SHBA.
Por Berisha nisi mbledhjen e firmave të delegatëve të Kuvendit, duke depozituar më 11 nëntor 4200 formularë, që kërkonin mbledhjen e Kuvendit Kombëtar më 11 dhjetor, ku pritet të miratohen ndryshime statutore, që i hapin rrugën zgjedhjeve të reja në PD.
Në anën tjetër, Basha ka thirrur Kuvendin Kombëtar më 18 dhjetor, duke e cilësuar si Foltore apo si miting atë që do të mblidhet nga Berisha.
Postimi nga Berisha
Falenderoj nga zemra delegatet firmetare te Degeve Pogradec, Kolonje dhe Maliq per guximin dhe dinjitetin ne administrimin dhe mbrojtjen e procesit te mbledhjes se firmave per Kuvendin e dt 11 Dhjetor, sikunder u bej thirrje te gjithe delegateve te bashkohen me ne, në Ditelindjen e Partise Demokratike! Te bashkuar drejt Fitores!
