Një 12-vjeçar dyshohet se i ka dhënë fund jetës, pasi sipas prindërve të tij është bullizuar në shkollë.
Debbey Fritchley hyri në dhomën e djalit të saj Eli më 28 nëntor dhe e gjeti atë të vdekur si pasojë e një vetëvrasje që ata besojnë se erdhi nga bullizmi.
Eli ishte në klasën e shtatë në shkollën Cascades, ku luante me trombone në grupin marshues dhe nuk kishte frikë të ishte vetvetja.
“Ai bullizohej nga nxënësit dhe fëmijët e tjerë, për shkak se nuk kishte një fe të caktuar, duke e konsideruar si ‘homoseksual’ dhe duke i thënë se do shkonte në ferr”, tha Debbey për ËKRN.
Nëna e tij tha se ai shpesh lyente thonjtë e tij dhe vishte të njëjtin xhup SpongeBob, duke larë rrobat çdo ditë për t’u siguruar që të ishin të pastra.
“Unë mendoj se ndoshta sepse ai ishte me të njëjtat rroba çdo ditë që ata e përdornin atë si armë,” tha Debbey.
“Ishte vërtet abuzive. Nuk mendoj se ka qenë ndonjëherë fizike. Mendoj se ishin vetëm fjalë, por fjalët lëndojnë. Ata lënduan vërtet,” shtoi babai i Elit, Steve.
Familja Fritchley thotë se djali i tyre u hap me ta për ngacmimin, por ata nuk e dinin se sa keq po vuante.
