Kanë kaluar një vit nga vrasja e Klodian Rashës, 25-vjeçarit, që u vra shumë pranë banesës së tij nga efektivi Nevaldo Hajdaraj.
Në kujtim të 1 vjetorit të vrasjes së Rashës, aktivistë të shoqërisë civile bënë homazhe në orët e vona të pasdites së sotme para Ministrisë së Brendshme.
Ata e kujtuan të riun me qirinj dhe lule.
Disa të rinj u rikthyen një vit pas në kohë për të kujtuar revoltën qytetare që pasoi pas vrasjes së Klodianit.
Unë jam një nga protestuesit e vitit të kaluar që edhe u arrestuam. Jam akuzuar me 7 akuza. Disa janë akoma në procedime penale, arreste shtëpie, detyrim paraqitje, janë akoma nëpër gjyqe. Minimumi i dënimit për akuzat tona ishte 7 vite burg, Nevaldo Hajdari është dënuar me 10 vjet heqje lirie. Bëjeni vetë krahasimin”,- shprehet nje i ri.
