Bora Zemani më në fund ka reaguar për temën më të diskutuar të ditëve të fundit në televizione dhe rrjetet sociale.
Prezantuesja e emisionit “Përputhen” ka qenë në qendër të vëmendjes për shkak të historisë së saj të dashurisë me Donaldin, aktualisht pjesë e Big Brother.
Tradhtia që ai bëri para kamerave me këngëtaren Beatrix në shtëpinë më të famshme në Shqipëri është gjykuar shumë nga njerëzit në rrjetet sociale, pa harruar edhe disa deklarata pikante të personazheve të ndryshme në Top Channel dhe jo vetëm.
Bora sonte sapo ka postuar një Story në Instagram, ku u bën thirrje njerëzve të mos gjykojnë. “Ju lutem, qetësohuni! Edhe Donaldi është njeri, edhe ai mund të gabojë”, shkruan Bora.
“Edhe ai mund të zgjedhë rrugë të tjera, edhe ai ka të drejtën të bëjë cfarë të dojë me jetën e tij”, shton prezantuesja e njohur.
Në fund ajo shton fjalinë më të rëndësishme: “Por mos gjykoni, mos kryqëzoni dhe mos dënoni. As unë nuk po e bëj”. Epo, nëse Bora nuk e gjykon Donaldin, kush jemi në të tjerët për ta bërë këtë?
