Ministria e Shëndetësisë njoftoi këtë të Shtunë se janë regjistruar katër raste të reja me koronavirus nga 1,563 testime.
Nuk raportohet për humbje jete.
Në raportin e MSH-së, thuhet se në 24 orët e fundit janë shëruar edhe katër persona dhe 324 janë raste aktive.
Ndërkaq, në 24 orët e fundit janë administruar 2,777 doza të vaksinës kundër koronavirusit.
Që prej fundit të marsit – kur Kosova nisi fushatën e vaksinimit kundër koronavirusit – deri më 4 dhjetor, 765,669 persona janë vaksinuar me dy dozat e vaksinës, ndërsa 858,915 persona janë imunizuar me një dozë. Në Kosovë të drejtë vaksinimi kanë të gjithë personat mbi 12 vjeç. Ata mund të zgjedhin një prej vaksinave që janë në përdorim: vaksinën e Pfizer/BioNTech ose AstraZeneca.
