Vajza e kompozitorit Shpëtim Saraçi dhe këngëtares Mira Konçi, Era, e ftuar në “Ftesë në 5”, foli për planet familjare për fundvit. Era tha se po planifikojnë që të mblidhet e gjithë familja bashkë.
“Po do mblidhemi të gjithë bashkë, ashtu është plani. Momentalisht babi është në Shqipëri me disa projekte muzikore, ndërsa ne jemi këtej. E di që do mblidhemi të gjithë bashkë, por nuk e kemi vendosur akoma nëse në Shqipëri apo në Amerikë”- tha Era.
Kjo deklaratë e saj vjen pas lajmit të bujshëm të ndarjes së prindërve të saj. Por mesa duket e gjitha ka qenë një aludim dhe çifti vazhdon që të jetë bashkë.
