Aktorja dhe njëkohësisht edhe deputete e Lëvizjes Vetëvendosja, Adriana Matoshi, zbuloi pak ditë më parë se i është rikthyer tumori në kokë. Ajo bëri një postim të gjatë në llogarinë e saj në “Facebook”, ku tregoi se sëmundja e rëndë u rishfaq sërish pas 9 vitesh kur u diagnostikua për herë të parë.
Adriana ka dalë tashmë nga kujdesi intensiv pas operacionit për të larguar tumorin në tru.
Mikesha e Adrianës ka folur për Klan Kosova dhe ka treguar se ajo ndodhet në gjendje të stabilizuar.
“Është mirë, në gjumë, nën efektin e terapisë pas ndërhyrjes. Po kujdesem për të gjatë gjithë kohës së bashku me familjarët e saj”- deklaroi mikja e saj që po i qëndron afër.
