“Foltorja” përmes një deklarate iu përgjigj kreut demokrat, Lulzim Basha, i cili i konsideroi si trillime deklaratat e ish-Kryeministrit Sali Berisha lidhur me dosjet Nick Muzin dhe Toyota Yaris, ndërsa u shpreh se dosja e vetme që ekziston është ajo e “non grata”.
Në deklaratën e Foltores thuhet se halli i i vërtetë i demokratëve dhe i shqiptarëve janë dështimet dhe humbjet e njëpasnjëshme të peng kryetarit që i dhuruan mandatin e tretë regjimit më të korruptuar të Europës.
“Halli i vërtetë i demokratëve është shpërdorimi dhe tradhëtia ndaj sakfrificave të tyre për pazaret e kryetarit! Për dosjet dhe pazaret e Bashës ka 8 vjet që demokratët kalojnë nga humbja në humbje!
Kuvendi Kombetar i dt 11 Dhjetor i mbledhur me vullnetin e mbi 5 mijë delegatëve do të shënojë fundin e pazareve Rama – Basha dhe rikthimin e Partise Demokratike në misionin e saj të shenjtë për rrëzimin e regjimit të Edi Ramës.
Partia Demokratike do ta realizojë këtë mision në aleancë me gjithë demokratët dhe qytetarët që kërkojnë shpëtimin e Shqipërisë përmes një PD më të fortë më të hapur dhe më të bashkuar”, thuhet në deklaratë
