Deputeti Ferdinand Xhaferraj, i emëruar në krye të PD së Durrësit, ka dhënë dorëheqjen nga ky post. Dorëheqja vjen pak ditë para se kjo parti të mbajë Kuvendet Kombëtare, ku ish-Kryeministri Sali Berisha, ka njoftuar atë të datës 11 dhjetor, ndërsa kreu demokrat Lulzim Basha, atë të datës 18 dhjetor.
E ndërkohë që situata në PD vijon me përplasje, akuza dhe kundërakuza, Xhaferraj ka paraqitur dorëheqjen, ndërsa në vend të tij është komanduar Luan Hoti.
Ky i fundit mbante postin e sekretarit të degës të Partisë Demokratike, dhe në vitin 2019 ishte një prej emrave të propozuar për drejtimin e degës, që në fakt u morr nën kontroll nga ferdinad Xhaferri.
Nuk dihet nëse dorëheqja e Xhaferrit ka lidhje me zhvillimet në PD apo me përplasje të krijuara së fundmi, kur kreu demokrat Lulzim Basha, u shfaq në Durrës, duke u pritur nga jo më shumë se 10 persona, gjë që u konsiderua si një dështim, edhe pse zyrtarisht u tha se kreu demokrat kishte shkuar në qytetin bregdetar për të takuar familjet e prekura nga tërmeti.
