Një familje australiane që ishte në piknik në Queensland përfundoi duke thirrur një specialist të zvarranikëve për ndihmë kur u kthyen në makinën e tyre dhe gjetën një piton të varur në pasqyrën e mjetit.
Josh Castle, drejtor i “Brisbane North Snake Catcher”, tha se një nga kapësit e tij të zvarranikëve u përgjigj kur një familje që ishte në një piknik në veri të Brisbane zbuloi se gjarpri me sa duket kishte rrëshqitur në automjet përmes një dritareje që ishte lënë e hapur.
Ai tha se ishte një nga vendet më të pazakonta që telefonuesit kanë gjetur gjarpërinj.
“Unë i kam nxjerrë dhe nga mbulesat e makinave gjarpërinjtë, gjë që është më e pritshme sepse mund të futen poshtë mbulesës,” tha Castle për 7News .
“Fakti që ishte në pasqyrën e makinës dhe ishte duke u ngrohur në diell është mjaft i çuditshëm.”
Castle tha se gjarpri, i cili ishte pak më shumë se 4 metra i gjatë, ishte zhvendosur në mënyrë të sigurt në habitatin e tij.
