Ben Blushi përmes një email njoftoi sot punonjësit se nuk do të jetë më drejtori i Përgjithshëm i Top Channel.
Largimi i Blushit, 4 vjet pasi mori detyrën, ka shkaktuar një seri reagimesh, një ndër to edhe nga gazetari Sokol Balla, i cili nuk ka kursyer ironinë.
Në një postim në Twitter, Balla shkruan se karma nuk gabon adresë.
Balla shkruan se pas 4 vjetësh ai do kthehet të shesë libra.
“Ishte për vizitë para 4 vjetësh në dhjetor. Pas 4 vjetësh, trokiti sërish në dhjetor dhe sërish në të njëjtën derë. Derën ia hapi një Tjetër. Po fytyra që Tjetri pa sa hapi kanatet e derës, ishte e njëjta: Karma, ajo që nuk gabon kurrë adresë: “Tani shit libra”, i tha e iku””, shkruan Balla.
