Ministria e Shëndetësisë njoftoi më 1 Dhjetor se në Kosovë janë shënuar tetë raste të reja me koronavirus nga 1398 testime, në 24 orët e fundit dhe asnjë i vdekur.
Sipas njoftimit, në 24 orët e fundit janë shëruar edhe 14 persona, ndërsa raste aktive me COVID-19 janë 314.
Sa i përket vaksinimit kundër koronavirusit, autoritetet shëndetësore në 24 orët e fundit kanë administruar 2142 vaksina kundër koronavirusit.
Që prej fundit të marsit, kur në Kosovë nisi fushata e imunizimit, e deri më 30 nëntor, në Kosovë janë administruar 1.617.512 doza të vaksinës. Me dy doza të vaksinës janë vaksinuar 762.675 ndërkaq me një dozë, 854.837 persona. Në Kosovë përdoren vaksinat e Pfizer/BioNTech dhe AstraZeneca. Të drejtë për t’u vaksinuar kanë të gjithë personat mbi 12 vjeç.
