Në një intervistë të gjatë për edicionin e sotëm të Corriere della Sera, Zlatan Ibrahimovic foli për Marco Materazzin, fillimisht shokun e tij të skuadrës te Inter dhe më pas kundërshtar:
“Ai hynte nga pas për të dëmtuar dhe ne lojtarët e kuptojmë menjëherë kur dikush hyn për të lënduar ose thjesht fort si Maldini, Chiellini apo Stam.
Unë kisha një llogari me të prej vitesh dhe e zgjidha në një derbi, kur e godita me bërryl në tëmth dhe e dergova ne spital. E fituam ate ndeshje me golin tim”.
Fjalët e suedezit, megjithatë, shkaktuan një reagim të shpejtë nga ish-mbrojtësi. Me një postim në Instagram, në fakt, Materazzi ka publikuar një foto të Botërorit të fituar në vitin 2006 me Italinë dhe një të Champions League, të fituar me Interin.
