Marsel Ismajlgeci mund të jetë lojtari i radhës nga Tirana që pritet të bëjë hapin e madh në karrierë. Pasi kanë shitur Muçin dhe Çelhakën te Legia, bardheblutë kanë oferta për të shitur një tjetër “xhevahir” e këtë herë bëhet fjalë për mbrojtësin e majtë.
Ismajlgeci ka ofertë të rëndësishme nga Feynord, skuadra e madhe që militon në elitën e futbollit hollandez.
Prej javësh, skautët e skuadrës së Feynord janë duke ndjekur lojtarin e talentur të Tiranës, ndërsa në merkaton e janarit mund të bëhet edhe transferimi.
Bardheblutë kërkojnë 400-500 mijë euro për të lënë të lirë Ismajlgeci që ka gjithashtu oferta të tjera edhe nga Belgjika, Turqia apo edhe Ferencvaros i Uzunit në kampionatin hungarez.
