Gledis Nano flet për vr*sjet e Fatmir Xhindit dhe Skerdilajd Konomit.
Drejtori i Përgjithshëm i Policisë së Shtetit, Gledis Nano tha këtë të Mërkurë se vrasjet e ish-deputetit Fatmir Xhindi dhe gjyqtarit Skerdilajd Konomi, janë çështje nën hetim.
Nano ishte prezent ditën e sotme në komisionin parlamentar të sigurisë, ku u pyet lidhur me dy vrasjet, ende të pazbardhura.
Në përgjigjen e tij, Nano u shpreh shkurt: “S’dua të jap detaje se është sekret hetimor, por dua të them se janë çështje nën hetim”.
Skerdilajd Konomi u ekzekutua me eksploziv më 9 shtator 2011, në Vlorë. Teksa ishte duke lëvizur me makinë, automjeti shpërtheu.
Ndërsa Fatmir Xhindi u vra pranë banesës së tij në Roskovec më 2 Maj 2009, duke u qëlluar me armë zjarri.
