Një ngjarje e rëndë raportohet të ketë ndodhur në Barcelonë.
Katër persona, përfshirë një foshnjë njëvjeçare dhe një fëmijë tjetër, tre vjeç, kanë vdekur pas shpërthimit të një zjarri.
Mediat vendase shkruajnë se zjarri shpërtheu rreth orës 6 të mëngjesit të sotëm në një ndërtesë në sheshin Tetuan të qytetit.
“Me keqardhje konfirmojmë vdekjen e katër personave, dy prej të cilëve ishin të mitur, në një zjarr në një pronë në sheshin ‘Tetuan’. Katër persona janë trajtuar për thithjen e tymit. Zjarri është shuar”,- tha një zëdhënës i zjarrfikësve të Barcelonës.
