Modelja Emily Ratajkovski ka tronditur publikun me rrëfimet e saj të sinqerta nga libri “Trupi im” muajin e fundit.
Ajo fillimisht zbuloi se këngëtari i njohur Robin e ka prekur në incizimin e videoklipit të këngës së tij “Blurred Lines”, ndërsa tani ka folur edhe për kastin ku shkoi si gjimnaziste.
Emily i ka hyrë botës së modelingut shumë herët, vetëm në moshën 12-vjeçare dhe shpeshherë në castings dhe sfilata i kanë thënë se është “shumë seksi”.
Pikërisht për gjithçka ka përjetuar në fëmijëri, por më së shumti për shkak të atyre komenteve, ajo u lodh herët me titullin “seks simbol”.
Publiku tashmë është i tronditur nga deklarata se edhe prindërit e saj kanë dashur të përfitojnë nga pamja e saj e bukur dhe të fitojnë para në këtë mënyrë.
“Kurrë nuk jam lutur shumë, por mbaj mend që si vajzë e re i jam lutur Zotit që të më japë bukuri. Bukuria ishte një mënyrë për të qenë e veçantë. Kur isha e veçantë, ndjeja më shumë dashurinë prindërore. “Ishte e rëndësishme për të dy dhe veçanërisht për mamanë time që të gjithë ta shihnin të bukur vajzën e saj”, ka pranuar sinqerisht ajo.
Nëna e saj shpesh theksonte me krenari bukurinë e vajzës së saj, domethënë Emily.
