Deputetja demokrate Albana Vokshi, përmes një postimi në rrjetet sociale, ka kvrkuar sqarime lidhur me rikthimin në punë, në një nga shkollat e Beratit, të një mësuesi, i cili ishte dënuar për pedofili. Mësuesi në fjalë u largua nga detyra pas presionit qytetar dhe denoncimit të rastit, ndërsa Zyra Arsimore në Berat e justifikoi rikthimin në punë me pretendimin se nuk dinte gjë mbi të shkuarën e tij.
Vokshi në postimin e saj shprehet se Komisioni Parlamentar për Çështjet Sociale, ku ajo është Kryetare, do e ketë prioritet të punës së saj këtë çështje. Vokshi shprehet se meqënëse strukturat e Qeverisë dhe kjo e fundit nuk bëjnë punën e tyre, atëherë ne të gjithë duhet të mbrojmë fëmijët.
Madje në Grupin Parlamentar “Miqtë e fëmijëve”, Vokshi ka propozuar edhe 6 hapa konkretë që duhet të ndërmerren për të mbrojtur fëmijët.
Në këtë kuadër, Vokshi ka propozuar zgjerimin i regjistrit të dhunuesve të fëmijëve (të gjitha llojet e dhunës, jo vetëm seksuale).
Në pikën e dytë, Vokshi propozon që askush që është në këtë regjistër të mos ketë të drejtën për t’u punësuar në sistemin arsimor, shëndetësor apo shërbimet e tjera sociale, kjo referuar eksperiencave më të mira të vendeve të BE;
“Të ketë fushata intensive sensibilizimi në drejtim të luftës ndaj dhunës në familje dhe të futet në kurrikulat e shkollave që në 9 vjecare cështjet e dhunës në familje”, janë dy propozimet e tjera të deputetes Vokshi.
Reagimi i Albana Vokshi
Si Kryetare e Komisionit Parlamentar për Cështjet Sociale, por mbi gjitha si nënë, kërkoj sqarimin e përgjegjshëm të menjëhershëm nga Ministria e Arsimit pse një dënuar për ngacmim seksual të fëmijëve është kthyer në punë si mësues.
Në axhenën e Komisionit Parlamentar që drejtoj kjo çështje do të jetë prioritet mbi cdo prioritet tjetër. Meqenëse shteti nuk bën punën e tij, na takon ne të gjithëve të mbrojmë fëmijët tanë.
Të drejtat e fëmijëve dhe mbrojtja e tyre farkëtohet si brenda shtëpisë ashtu edhe në shkollë.
Secili prej nesh e ka një rol në këtë drejtim!
Fjalën nuk mjaftojnë, duhen akte konkrete, përndryshe fëmijët tanë do na kritikojnë që nuk bëmë sa duhet kur kishim mundësi për më shumë.
Në këtë aspekt nevojitet një axhendë e përbashkët, që tejkalon interesat politike apo personale.
Nuk mjaftojnë mbledhjet, na duhen hapa konkretë në ngritjen e mekanizmave parandalues ne mbrojtje të grave e fëmijëve. Disa nga hapat që propozova në mbledhjen e parë të kostituimit të Grupit parlamentar Miqtë e Fëmijëve.
janë:
1. Zgjerimi i regjistrit të dhunuesve të fëmijëve (të gjitha llojet e dhunës, jo vetëm seksuale)
2. Askush që është në këtë regjistër të mos ketë të drejtën për t’u punësuar në sistemin arsimor, shëndetësor apo shërbimet e tjera sociale, kjo referuar eksperiencave më të mira të vendeve të BE;
3. Të ketë fushata intensive sensibilizimi në drejtim të luftës ndaj dhunës në familje;
4. Të futet në kurrikulat e shkollave që në 9 vjecare cështjet e dhunës në familje;
5. Të merren masa për rritjen e numrit të ekspertëve psikologë, psikiatër, punonjës socialë etj dedikuar për dhunën ndaj grave e fëmijëve;
6. Hartimi i një rezolute për marrjen e masave nga ana e institucioneve shtetërore, në bashkëpunim me sektorin privat, median, akademinë, shoqërinë civile, në mvrojtje të fëmijëve.
