Një ngjarje e rrallë ka ndodhur në autostradën Tiranë-Durrës.
Nga video e mëposhtme, duket një qytetar që shtyn një karrocë në mes të autostradës, ndërsa një seri automjetesh kalojnë pranë tij. Nuk dihet se çfarë ka pasur në mendje ai të bëjë, por fatmirësisht nuk ka të lënduar nga ngjarja.
Gjithashtu nuk dihet nëse në karrocën që shtynte burri, i cili duket jo më shume se 35-40 vjeç, ka pasur fëmijë, apo ajo ishte bosh ose me mallra.
Gjithçka ndodh në një kohë kur nga Policia e Shtetit njoftohet pothuajse çdo ditë për rritjen e masave të sigurisë në akset rrugore, por nga pamjet e mëposhtme duket qartë se qytetari që ka zgjedhur të ecë në sensin e kundërt të lëvizjes së makinave, madje duke i prerë rrugën atyre, mund të kthehej jo thjesht në një burim aksidenti, por në viktimën e rradhës.
