Të shtëna me armë janë regjistruar në orët e mbrëmjes në zonën e quajtur “Fusha e Aviacionit”. Një person ka qëlluar në ajër me pistoletë. Ka qenë duke udhëtuar me makinë/ Po punohet, thotë policia për zbardhjen e ngjarjes.
Njoftimi
Me datë 27.11.2021, rreth orës 21:35, në vendin e quajtur “Fusha e Aviacionit”, një person që qarkullonte me automjet ka qëlluar në ajër me pistoletë manovër.
Grupi hetimor ndodhet në vendngjarje dhe po punon për sqarimin e rrethanave të ngjarjes. Në cilësinë e provës materiale është sekuestruar një gëzhojë pistolete manovër.
Shërbimet e Policisë falë veprimeve të shpejta dhe informacioneve të marra në rrugë operative kanë bërë të mundur identifikimin e personit të dyshuar dhe vijon puna për kapjen e tij.
