Deputeti i LSI-së, Petrit Vasili ka reaguar pas deklaratave të kolegut demokrat Oerd Bylykbashi lidhur me marrëveshjen Rama-Basha, më 17 Maj 2017.
Bylykbashi u shpreh se Basha mashtroi PD-së për dakordësinë me Ramën lidhur me ndalimin e koalicioneve.
”U duk e shijshme, por ishte helmatisje. Kishte dakordësi Rama-Basha për të goditur një subjekt të tretë, që ishte LSI-ja. Që një opozitë duhet të ketë gjithmonë opsionet e hapura, sepse qëllimi kryesor është krijimi i një fronti sa më të madh për të përmbysur qeverinë, por t’i mbajë të hapura edhe për parimet e veta. Por më vonë kur ishin zgjedhjet e 25 prillit, ishte Basha që nuk donte Koalicion me LSI. Basha kishte rënë dakord me PS-në që të mos regjistrohej koalicion. Sipas tij, kishte hallin se LSI-ja mund të shkonte në koalicion me PS, por kjo del se ishte mashtrim që na bëri ne si PD. Jam ndjerë i shokuar që kryetari i partisë ishte i gatshëm për këtë gjë. Më tha që është rënë dakord që të mos ketë koalicione”, tha Bylykbashi në një emision televiziv.
Në një reagim lidhur me deklaratat e Bylykbashit, Vasili shprehet me ironi: Si mund të shpëtoje ti i dashur Oerd pa u gënjyer prej tij, e kundërta do të ishte një mrekulli!
Në një postimi në rrjetet sociale, Vasili shkruan:
Edhe Oerdin e paska genjyer!
I dashur Oerd Kryetari te ka mashtruar.
Ate nate te 17 majit Luli i hoqi Koalicionet me Ramen jo sepse LSI mund te shkonte me PS, pasi LSI e kishte garantuar hapur, qe kurre nuk do hynte me PS ne Koalicion megjithe kerkesat e panumerta te Rames, por do dilte ne nje koalicion me PDIU dhe Parti te tjera me vete, per te krijuar nje Pol politik me vete, qe mund ti jepte mundesine Kryetarit tuaj te behej KM pas zgjedhjeve
Por Luli ne sherbim te Rames e beri heqjen e Koalicioneve, vetem e vetem per te pamundesuar kete gje, por edhe per ti vene para faktit Aleatet e tij, qe ata te hynin ne rresht e te mos kishin alternativa te tjera. Pikerisht ata aleate, qe i kishin qendruar besnike. Beseprerje e zakonshme!!
Po si mund te shpetoje ti i dashur Oerd pa u genjyer prej tij, e kunderta do te ishte nje mrekulli!!
