Një ngjarje e rëndë raportohet se ka ndodhur pasditen e sotme në Golem.
Nga të dhënat e para mësohet se një çift kanë humbur jetën pasi janë asfiksuar nga gazi.
Viktimat janë identifikuar si Mihal Jani dhe Anila Llulla. Ato janë gjetur pa shenja jete, ndërsa vijojnë hetimet.
Dyshimet e para janë se ata kanë humbur jetën ditën e djeshme, por u zbuluan sot.
Kavajë/ Informacion paraprak
Më datë 27.11.2021, rreth orës 17:45, në Golem, në katin e dytë të një pallati, janë gjetur në banesën e shtetasit M.J, pa shenja jete dhe pa shenja dhune, shtetasi M. J., 60 vjeç banues në Golem dhe shtetasja A. Ll., 50 vjeçe, banuese në Tiranë.
Nga hetimet paraprake dyshohet se kanë humbur jetën një ditë më parë si pasojë e asfiksisë nga gazi.
Grupi hetimor nën drejtimin e Prokurorisë vijon punën për sqarimin e plotë të ngjarjes.
