Një aksident me një të plagosur ka ndodhur këtë të Shtunë në Durrës. Një 45-vjeçar që lëvizte me biçikletë është përplasur nga një automjet. I lënduari raportohet se ndodhet jashtë rrezikut për jetën.
“Rreth orës 11:00., në lagjen Nr.4-Durrës, një mjet me drejtuese shtetasen V. D., 44 vjeçe, ka goditur shtetasin M. L., 45 vjeç., që ishte duke qarkulluar me biçikletë, i cili ndodhet nën kujdesin e mjekëve, jashtë rrezikut për jetën”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.
