Ministria e Shëndetësisë në Kosovë, njoftoi këtë të Premte se 17 persona kanë rezultuar pozitivë me koronavirus, nga 1.263 testime.
Nuk raportohet për humbje jete.
Sipas Ministrisë së Shëndetësisë, gjatë 24 orëve të fundit janë shëruar 5 pacientë, duke e çuar numrin e të shëruarve në total në 157.748.
Që nga fillimi i vaksinimit, sipas Ministrisë së Shëndetësisë, deri sot janë dhënë 1.612.311 doza të vaksinës, ndërsa 759.901 qytetarë kanë injektuar dozën e dytë. Kosova ka nisur fushatën e imunizimit kundër koronavirusit në fund të muajit Mars.
