Kanë dalë detaje të reja nga aksidenti ku u përfshinë dy automjete të eskortës së ish-kryeministrit Sali Berisha në Fushë Mamurras. Sipas të dhënave të fundit, makina e ish kryeministrit dhe eskorta e tij po udhëtonin në drejtim të Tiranës njëra pas tjetrës pas përfundimit të foltores në Kurbin.
Ndërkohë një makinë e cila ka dalë nga një karburant është futur kundërvajtje në autostradë duke dalë ballë për ballë me vargun e makinave të eskortës së Sali Berishës.
Raportohet se makina ku udhëtonte ish-kryeministri ka mundur të devijojë pa u aksidentuar po kështu kanë mundur të shmangen edhe tre makinat e tjera shoqëruese, ndërsa makina e katërt pavaresisht se ka frenuar nuk ka arritur ta shmangë aksidentin. Drejtuesi i mjetit me targa të kosovës është Ardi Mulliqi dhe drejtuesi tjetër Sali Lozi.
