Një kanibal, i identifikuar si Yegor Komarov është arrestuar në Rusi. Në fakt ai u zbulua aksidentalisht, pasi u aksidentua me makinën e tij.
Arrestimi nuk erdhi për shkak të aksidentit por sepse një kufomë pa kokë doli nga automjeti, duke tronditur oficerët e policisë në Sortavala, në Rusinë veriore.
Efektivët gjetën bagazh litarë dhe thasë, ndërsa dukej se i riu po planifikonte ta groposte në pyll viktimën e tij.
I vdekuri është një biznesmen 50 vjeç nga Shën Petersburgu. Kur Komarov u mor në pyetje, gjërat u bënë shumë të frikshme: i riu pretendoi se ishte një kanibal.
Ai e ka vrarë biznesmenin pas një debati. “Në përgjithësi më pëlqen të vras njerëz.” Vitin e kaluar ai goditi me thikë një 38-vjeçar në një park në Shën Petersburg, sepse donte të shijonte mishin e tij.
“Kur ai vdiq, ia hoqa qafën dhe shijova gjakun dhe mishin. Por mishi ishte i vështirë për t’u prerë, sepse thika ishte e mprehtë dhe nuk më pëlqente shija e damarëve të tij”, tha ai.
Ai e hodhi viktimën në një tub kullimi, por paraprakisht ia preu gjuhën. E mori në shtëpi dhe e skuqi me gjalpë.
“E provova, por nuk më pëlqeu,” thuhet në dëshminë e tij në procesverbalin e policisë.
“Por sigurisht që do të kisha dashur pjesë të tjera të trupit”.
