Një sasi rëre është derdhur në rrugë duke u kthyer në rrezik për drejtuesit e mjeteve. Situata problematik është krijuar në superstradën Lezhë-Milot, pranë kryqëzimit të Ishull Shëngjinit në një gjatësi prej 50 metrash.
Pas konstatimit të problemit, policia rrugore ka mbërritur në zonë për të sinjalizuar drejtuesit e mjeteve për rrezikun.
Ndërkohë, pritet pastrimi i rrugës nga rëra e hedhur atyre për të vijuar qarkullimin normal të mjeteve.
Dyshohet se rëra të ketë rënë aksidentalisht nga një kamion i ngarkuar që ka kaluar në këtë aks.
