Kualifikimi në Kupë i Dinamos i ka hequr shumë nga ana fizike skuadrës kryeqytetase dhe kjo u pa në fushë ndaj Egnatias.
Në “Elbasan Arena”, këto dy skuadra luajtën ndeshjen e fundit të fazes së parë e cila përfundoi në barazim 1-1 por kishte një mal me emocione sidomos nga vendimet arbitrale dhe sistemi VAR.
Që në minutën e 6’ miqtë fitojnë një penallti për prekje me dorë në zone dhe Telushi tregohet i saktë duke kaluar ekipin e Maganit në avantazh.
Ibraimi dhe Chinedu provuan të gjenin golin me disa raste por vetëm në sërish me një penallti të akorduar, kapiteni dinamovit shënon për të vendosur barazpeshën.
Me të nisur pjesa e dytë ka një tjetër penallti të akorduar nga gjyqtari me VAR me Pedro Auguston që gjuan por portieri Bakaj e neutralizon me sukses.
Në 67’ vijon saga e penalltive teksa arbitri akordon për një ndërhyrje ndaj Skukës por sistemi VAR e anulon në mënyrë të drejtë.
Ndeshja është emocionuese dhe Dinamo duket e rënë fizikisht me Egnatian që kërkon surprizën dhe në 82’ arrin të shënojë por sërish sistemi VAR e anulon dhe këtu ka vend për interpretim.
Gjithsesi minutat kalojnë dhe ndeshja mbyllet me një barazim që ndoshta nuk gëzon asnjë nga skuadrat.
