Florian Marku mbrojti titullin kampion Bote duke mposhtur francezin Jorick Luisetto. Marku mbrojti titullin kampion të kategorisë “IBF International” të cilën e siguroi në ndeshjen e tij të fundit, ndaj ukrainasit Maksim Prodan.
Marku ishte superior ndaj kundërshtarit, por nuk arriti të fitojë me Knockout.
Të tre gjyqtarët i dhanë fitoren Markut me shifrat 78-75.
Pas ndeshjes, Marku foli për Sky Sports ku fillimisht falenderoi të gjithë shqiptarët e pranishëm po jo vetëm, gjithashtu kërkoi edhe njëherë ndeshje me Conor Benn, nje kundërshtar që Marku e kërkon prej kohësh.
Ashtu si edhe para ndeshjes ai premtoi një ndeshje të madhe në një stadium futbolli në Tiranë.
”Faleminderit të gjithëve që ishit këtu. Ishte një luftë e vështirë, por ai nuk është në nivel timin. Tentova ta nokautoja, por nuk munda. Ishte paksa e vështirë. Të gjithë boksierët britanez, apo nga e gjithë bota, ejani mi sillni këtu. Jam i gatshëm të përballem me të gjithë”, ka thënë Marku.
“Dua të luftoj në Tiranë, në stadium atje. Këtë e dua më së shumti. Shpresoj që gruaja ime ende s’ka lindur, sepse ajo është në ditet e saj të lindjes. JU DUA!”, tha ndër të tjerash boksieri shqiptar.
