Një 27-vjeçar u arrestua si autor i dyshuar si autor i plagosjes së 22-vjeçarit Mikel Fusha, më 21 Mars në Shkodër. Në pranga u vu Elis Lekndrejaj.
“Specialistët për Hetimin e Krimit në Komisariatin DVP Shkodër bënë ndalimin e shtetasit Elis Lekndrejaj, 27 vjeç, banues në lagjen ‘Partizani’, Shkodër”, njoftoi policia.
“Këtij shtetasi, Gjykata e Shkallës së Parë Shkodër, më datë 23.03.2021, i ka caktuar masën e sigurimit personal në mungesë ‘Arrest në burg’ për veprat penale ‘Vrasja me paramendim’ e mbetur në tentativë dhe ‘Armëmbajtja pa leje’, pasi dyshohet si autori i ngjarjes së datës 21.03.2021, në lagjen ‘Mark Lula’, Shkodër, ku ka mbetur i plagosur me armë zjarri shtetasi Mikel Fusha”, shtuan të njëjtat burime.
Ditën e plagosjes, burime zyrtare nga policia bënë me dije se plagosja në këmbë me armë të zjarri e 22-vjeçarit Fusha, erdhi në vazhdën e një konflikti të çastit mes palëve.
