Instituti Kombëtar i Shëndetësisë Publike në Kosovë, ka njoftuar se të Martën, janë regjistruar pesë raste të reja me koronavirus, pas 1.474 testimeve.
Në 24 orët e fundit nuk është regjistruar asnjë viktimë.
Autoritetet shëndetësore bënë me dije se më 16 nëntor, 22 persona janë shëruar, ndërsa 407 persona janë ende aktivë me koronavirus.
Prej shpërthimit të pandemisë në Mars të vitit 2020, Instituti Kombëtar i Shëndetësisë Publike në Kosovë ka regjistruar mbi 160.000 raste të infektimit.
Prej tyre 2.980 persona kanë vdekur.
Kosova ka nisur fushatën e vaksinimit kundër koronavirusit në mars të këtij viti. Prej atëherë janë dhënë mbi 1.5 milion doza të vaksinës. Numri i personave të vaksinuar me të dyja dozat ka shkuar në 751.131, derisa 846.214 kanë marrë dozën e parë.
