Ambasadorja e SHBA në Tiranë, Yuri Kim, duket se ka thumbuar Kryeministrin Edi Rama, lidhur me gjuhën e përdorur sot në Kuvend ndaj deputeteve.
Rama gjatë një replike me kreun e PD, Lulzim Basha, u shpreh se “shifrat mund t´ia marrë balonë tabake”, duke pasur parasysh këtu deputen demokrate, Jorida Tabaku.
Rama u mundua të kalojë krahasimin me batuta, duke u shprehur se nuk e ka konkretisht me mbiemrin e një deputeteje, por me balonat tauke dhe tabake.
Pak momente më pas, Kryeministri duket duke shtyrë ministren Elisa Spiropali, gjë që duket se mund të ketë tvrhequr vëmendjen edhe të Ambasadores amerikane.
“Duket e nevojshme të themi sot atë që kemi planifikuar për 25 nëntor (duke filluar 16 ditët vjetore të aktivizmit kundër dhunës gjinore): Gjuha e dhunshme, degraduese ndaj grave – veçanërisht e transmetuar në televizion nga Parlamenti – është e papranueshme. Udhëheqësit duhet të jenë të ndërgjegjshëm për shembullin që ata japin”, thuhet në reagimin e Kim.
Çuditërisht, ambasadores i ka tërhequr vëmendjen fjalori i Kryeministrit në një seancë, ndërsa nuk e shqetësojnë bie fjala denoncimet e përditshme që bëhen për miliona euro që vidhen apo shpërdorohen, dhe për të cilat s´ka asnjë të hetuar.
