Deputeti i Lëvizjes Socialiste për Integrim, Petrit Vasili përgënjeshtroi deklaratat e Gazment Bardhit se PD u ka propozuar një listë të përbashkët për zgjedhjet e fundit parlamentare.
“E vërteta e madhe është që s’ka pasur kurrë qoftë dhe një propozim të vetëm zyrtar nga partia e Lulzim Bashës për mandate, për numra mandatesh e gjëra të kësaj natyre”, tha Vasili në një deklaratë për mediat.
Vasili bëri apel që nëse ka një dokument zyrtar që provojnë deklaratat e Bardhit, të bëhet publik.
“Anëtarët e kryesisë së Partisë Demokratike janë aty, anëtarët e Këshillit Kombëtar të Partisë Demokratike janë aty, le të thonë a kanë parë ndonjë propozim të tillë? E nëse ka një propozim të tillë zyrtar, këtë dokument le t’ja vënë në dispozicion mediave shqiptare që ta njohin por një dokument i tillë nuk ekziston dhe faqja e zezë për ata që mashtrojnë pasi kanë shitur interesat e opozitës ditën për diell”, tha ai.
Vasili akuzoi Lulzim Bashën për bashkëpunim me kryeministrin Edi Rama dhe tha se të dy punuan për goditjen e Lëvizjen Socialiste për Integrim.
Lexo edhe:
Bardhi poston videon e Flamur Nokës: Ja çfarë deklaronte për dorëzimin e firmave
