Policia e Lezhës ka arrestuar një të ri i cili u konstatua duke drejtuar automjetin tip “Volkswagen” pa leje drejtimi.
Gjatë kontrollit të makinës, policia ka gjetur doza me lëndë narkotike të dyshuar kanabis, të cilat u sekuestruan në cilësinë e provës materiale, së bashku me automjetin.
Në vijim të veprimeve, specialistët e Seksionit për Hetimin e Narkotikëve dhe Trafiqeve të Paligjshme bënë arrestimin në flagrancë të shtetasit V.L., 21 vjeç, banues në Kurbin.
Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprat penale “Prodhimi dhe shitja e narkotikëve” dhe “Drejtimi i automjetit në mënyrë të parregullt”, njoftoi policia.
