Mbrëmjen e sotme Sali Berisha ka mbajtur një konferencë me gazetarët, aty ku ka dalë hapur me ambicien e tij për të kandiduar sërish për postin e kryeministrit, 8 vite pasi humbi zgjedhjet dhe u largua nga drejtimi i Partisë Demokratike.
Teksa mbajti një konferencë rreth një orë, një nga pyetjet që iu bënë Berishës ishte si duhet t’i besojmë këtyre 4200 firmave të mbledhura nga vetë nisma Foltores, dhe që vetë i mban kjo nismë dhe vetë i verifikon.
Mirëpo Berisha u shpreh se kjo nuk është ashtu sicc tha gazetari, pasi firmat mund të verifikohen nga kushdo, madje dhe nga Basha po të dojë.
“Që vete mblidhen është nen në statut. Kryetari vendosi pa pyetur asnjë forum, duke shkelur statutin, mori një vendim vetëm për karrigen e tij se është peng. Kështu që kryetari nuk do të pranonte kurrë të thërriste kuvendin. Mund ta bënte këshilli kombëtar, por e gjykuam më mirë ta thërrasë anëtarësia. Nisma është 100% statutor. Nuk është vetëverifkim. Edhe ju jeni i ftuar të vëzhgojmë te tryeza. Kjo erë e re, lëvizje e re, është rikthim i transparencës dhe lirisë së PD-së. Kryetar kushdo jetë do të ketë të drejtë të verifkojë mandatet. Atë që se ka bërë kurrë PD në këto 8 vite. Jemi detyruar të përshtatemi. Sigurisht do te ketë rindërtim të PD-së“, theksoi Berisha.
Në fund të konferencën, drejtoresha e komunikimit, Floriana Garo njoftoi se Foltorja e radhës së Berishës do të mbahet në Sarandë: “Ju falenderojmë për vëmendjen dhe shihemi në Foltoren e Sarandës”.
Në nisje të Konferencës, Sali Berisha njoftoi se Floriana Garo, ish-zëdhënësja e Partisë Demokratike në zgjedhejt e 25 prillit, do të jetë drejtoresha e re e komunikimit të nismës së ndërmarrë nga Berisha dhe ajo që do të njoftojë kur Berisha të bëhet sërish Kryeministër.
Nga komunikimi me gazetarët, Berisha nuk kishte si të shpëtonte dhe pyetjeve për deklaratën e Ambasadores Yuri Kim, e cila tha ditën e sotme se nëse Berisha kthehet si kryetar i PD-së, atëherë SHBA-të nuk do të kenë komunikim me të.
Sa i takon fatit të Lulzim Bashës kur Berisha të rikthehet në krye të Selisë Blu, ish-kryedemokrati premtoi se nuk do të ketë përjashtime pasi PD nuk duhet të jetë parti përjashtuese. (Shiko këtu)
Mbrëmjen e sotme, Sali Berisha u shfaq në konferencë së bashku me 4200 firmat e delegatëve të mbledhura për thirrjen e Kuvendit Kombëtar. Berisha njoftoi se këto firma do t’i dorëzohen kryetarit të keshillit kombetar te PD-së, Edi Paloka.
